1 мая - Дзень працы

Набліжаецца 1 мая - Дзень працы. Гэты дзень адзначаны пачуццём падзякі і павагі да людзей працы. Выхоўваць у дзяцей працавітасць ў нашым дзіцячым садку пачынаюць  з першых дзён. Працоўныя даручэнні, калектыўная і грамадска-карысная праца, дзяжурства, праца у кутку прыроды - усё гэта дапамагае дзецям атрымліваць працоўныя ўменні, фарміраваць культурна-гігіенічныя навыкі і навыкі самаабслугоўвання, рыхтуе да дарослага жыцця. У гульнёвай форме выхаванцы знаёмяцца з прафесіямі дарослых, вучацца паважаць і цаніць іх працу. Напярэдадні Дня працы, для выхаванцаў арганізавалі серыю сюжэтна-ролевых гульняў "Кім быць". Дзеці змаглі паспрабаваць сябе у ролі цырульніка, урача, выратавальніка, супрацоўніка пошты і яшчэ шмат якіх прафесій. Магчыма, хто-небудзь з дзяцей ужо вырашыў для сябе "Кім быць".